ਮੋਹਾਲੀ ‘ਚ ਪੁਲਿਸ ਤੇ ਗੈਂਗਸਟਰਾਂ ਵਿਚਾਲੇ ਚੱਲੀਆਂ ਗੋਲੀਆਂ
Video : ਅਯੁੱਧਿਆ ‘ਚ ਰਾਮ ਮੰਦਰ ਦੇ ਬਾਹਰ ਕਾਂਗਰਸ ਨੇਤਾਵਾਂ ਨਾਲ ਝੜਪ
January 15, 2024 5:45 pm
ਪਾਰਟੀ ਦਾ ਝੰਡਾ ਚੁੱਕਣ ਨੂੰ ਲੈ ਕੇ ਹੰਗਾਮਾ
ਵਿਰੋਧੀਆਂ ਨੇ ਜੈ ਸ੍ਰੀ ਰਾਮ ਦੇ ਨਾਹਰੇ ਲਾ ਕੇ ਪਾੜਿਆ ਕਾਂਗਰਸ ਦਾ ਝੰਡਾ
ਅਯੁੱਧਿਆ ਦੀ ਮਹਿਲਾ ਕਾਂਗਰਸ ਦੀ ਜ਼ਿਲ੍ਹਾ ਪ੍ਰਧਾਨ ਰੇਣੂ ਰਾਏ ਨੇ ਕਿਹਾ ਅਸੀਂ ਦਰਸ਼ਨ ਕਰਨ ਲਈ ਪੁੱਜੇ ਸਨ
ਕਾਂਗਰਸੀ ਇਕੱਠੇ ਹੋਣੇ ਹੋਏ ਸ਼ੁਰੂ
ਅਯੁੱਧਿਆ : ਅਯੁੱਧਿਆ ‘ਚ ਰਾਮ ਮੰਦਰ ਦੇ ਬਾਹਰ ਰਾਮਲਲਾ ਦੇ ਦਰਸ਼ਨ ਕਰਨ ਆਏ ਕਾਂਗਰਸੀ ਨੇਤਾਵਾਂ ਨਾਲ ਕੁਝ ਲੋਕਾਂ ਦੀ ਝੜਪ ਹੋ ਗਈ। ਆਗੂਆਂ ਨਾਲ ਦੁਰਵਿਵਹਾਰ ਕੀਤਾ ਗਿਆ। ਕਾਂਗਰਸ ਦਾ ਝੰਡਾ ਫਾੜ ਦਿੱਤਾ ਗਿਆ। ਜਦੋਂ ਕਾਂਗਰਸੀ ਵਰਕਰਾਂ ਨੇ ਵਿਰੋਧ ਕੀਤਾ ਤਾਂ ਉਨ੍ਹਾਂ ਨੂੰ ਭਜਾ ਦਿੱਤਾ ਗਿਆ। ਇਸ ਦੌਰਾਨ ਕੁਝ ਦੂਰੀ ‘ਤੇ ਮੌਜੂਦ Police ਪਹਿਲਾਂ ਤਾਂ ਮੂਕ ਦਰਸ਼ਕ ਬਣੀ ਰਹੀ ਅਤੇ ਫਿਰ ਜਦੋਂ ਮਾਮਲਾ ਵਧ ਗਿਆ ਤਾਂ ਝੰਡੇ ਖੋਹਣ ਵਾਲੇ ਲੋਕਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ। ਪ੍ਰਦੇਸ਼ ਪ੍ਰਧਾਨ ਅਜੈ ਰਾਏ ਦੇ ਨਾਲ ਕਾਂਗਰਸ ਨੇਤਾਵਾਂ ਦੀ ਟੀਮ ਰਾਮਲਲਾ ਦੇ ਦਰਸ਼ਨਾਂ ਲਈ ਅੱਜ ਅਯੁੱਧਿਆ ਪਹੁੰਚੀ ਸੀ । ਇਸ ਦੌਰਾਨ ਇਸ ਘਟਨਾ ਨਾਲ ਕਾਂਗਰਸੀਆਂ ਵਿੱਚ ਭਾਰੀ ਰੋਸ ਹੈ।
#WATCH | Few people seen vandalising Congress flag outside Ayodhya Ram temple
A Congress delegation comprising Ajay Rai and Deepender Hooda is on Ayodhya visit today pic.twitter.com/fTSOSUurpI
— ANI UP/Uttarakhand (@ANINewsUP) January 15, 2024
ਕਾਂਗਰਸੀ ਆਗੂਆਂ ਦਾ ਇਕੱਠ ਸ਼ੁਰੂ ਹੋ ਗਿਆ ਹੈ। ਹੁਣ ਕਾਂਗਰਸ ਵਾਲੇ ਪਾਸੇ ਤੋਂ ਹੰਗਾਮਾ ਅਤੇ ਨਾਅਰੇਬਾਜ਼ੀ ਸ਼ੁਰੂ ਹੋ ਗਈ ਹੈ। ਇਸ ਦੌਰਾਨ ਮੌਕੇ ‘ਤੇ ਮੌਜੂਦ ਅਯੁੱਧਿਆ ਦੀ ਮਹਿਲਾ ਕਾਂਗਰਸ ਦੀ ਜ਼ਿਲ੍ਹਾ ਪ੍ਰਧਾਨ ਰੇਣੂ ਰਾਏ ਨੇ ਕਿਹਾ ਕਿ ਸਾਡੇ ਲੋਕ ਇੱਥੇ ਰਾਮਲਲਾ ਦੇ ਦਰਸ਼ਨ ਕਰਨ ਆਏ ਸਨ। ਕੁਝ ਅਰਾਜਕਤਾਵਾਦੀਆਂ ਨੇ ਸਾਡੀ ਪਾਰਟੀ ਦਾ ਝੰਡਾ ਖੋਹ ਲਿਆ ਅਤੇ ਗਾਲ੍ਹਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ। ਕਾਂਗਰਸੀ ਵਰਕਰਾਂ ‘ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਾ ਕੇ ਗਾਲੀ ਗਲੋਚ ਕੀਤਾ ਗਿਆ। ਰੇਣੂ ਰਾਏ ਨੇ ਕਿਹਾ ਕਿ ਇਹ ਮੰਦਰ ਕਿਸੇ ਇੱਕ ਪਾਰਟੀ ਦਾ ਨਹੀਂ ਹੈ। ਇਹ ਮੰਦਰ ਸਾਰੇ ਲੋਕਾਂ ਦਾ ਹੈ।
