ਅੰਮ੍ਰਿਤਸਰ ਤੋਂ ਦਿੱਲੀ ਵਿਚਾਲੇ ਚੱਲੀ ਵੰਦੇ ਭਾਰਤ, 5.30 ਘੰਟਿਆਂ ਵਿੱਚ 457KM ਦੀ ਦੂਰੀ ਤੈਅ ਕਰੇਗੀ

ਅੰਮ੍ਰਿਤਸਰ : ਅੱਜ ਦੂਜੀ ਵੰਦੇ ਭਾਰਤ ਐਕਸਪ੍ਰੈਸ (ਟਰੇਨ ਨੰਬਰ 22488) ਅੰਮ੍ਰਿਤਸਰ ਅਤੇ ਪੁਰਾਣੀ ਦਿੱਲੀ ਵਿਚਕਾਰ ਪਟੜੀ ‘ਤੇ ਚੱਲੀ। ਵੰਦੇ ਭਾਰਤ ਸਾਢੇ 5 ਘੰਟਿਆਂ ਵਿੱਚ 457 ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗਾ। ਹਾਲਾਂਕਿ ਹੋਰ ਰੇਲ ਗੱਡੀਆਂ ਨੂੰ ਅੰਮ੍ਰਿਤਸਰ ਤੋਂ ਦਿੱਲੀ ਪਹੁੰਚਣ ਲਈ 7 ਤੋਂ ਸਾਢੇ 7 ਘੰਟੇ ਲੱਗਦੇ ਹਨ। ਸ਼ਤਾਬਦੀ ਐਕਸਪ੍ਰੈਸ ਵੀ ਲਗਭਗ 6 ਘੰਟੇ ਲੈਂਦੀ ਹੈ

ਵੰਦੇ ਭਾਰਤ ਐਕਸਪ੍ਰੈਸ ਸਵੇਰੇ 8.05 ਵਜੇ ਅੰਮ੍ਰਿਤਸਰ ਤੋਂ ਪੁਰਾਣੀ ਦਿੱਲੀ ਲਈ ਰਵਾਨਾ ਹੋਈ। ਇਹ ਬਿਆਸ ਵਿਖੇ 8.33/8.35 ਵਜੇ (2 ਮਿੰਟ), ਜਲੰਧਰ ਕੈਂਟ 9.12 ਤੋਂ 9.14 ਵਜੇ, ਫਗਵਾੜਾ 9.24 ਤੋਂ 9.26 ਵਜੇ, ਲੁਧਿਆਣਾ 9.56 ਤੋਂ 9.58 ਵਜੇ, ਅੰਬਾਲਾ ਕੈਂਟ ਜੰਕਸ਼ਨ 11.4 ਤੋਂ 11.11 ਵਜੇ ਰੁਕੇਗੀ। ਟਰੇਨ ਦੁਪਹਿਰ 1.30 ਵਜੇ ਪੁਰਾਣੀ ਦਿੱਲੀ ਸਟੇਸ਼ਨ ਪਹੁੰਚੇਗੀ।

ਬਦਲੇ ਵਿੱਚ ਇਹ ਟਰੇਨ ਪੁਰਾਣੀ ਦਿੱਲੀ ਸਟੇਸ਼ਨ ਤੋਂ ਬਾਅਦ ਦੁਪਹਿਰ 3.15 ਵਜੇ ਅੰਮ੍ਰਿਤਸਰ ਲਈ ਰਵਾਨਾ ਹੋਵੇਗੀ। ਜੋ ਸ਼ਾਮ 5.25 ਵਜੇ ਅੰਬਾਲਾ ਕੈਂਟ ਸਟੇਸ਼ਨ ਪਹੁੰਚੇਗੀ। ਇਹ ਇੱਥੋਂ 2 ਮਿੰਟ ਦੇ ਰੁਕਣ ਤੋਂ ਬਾਅਦ ਰਵਾਨਾ ਹੋਵੇਗੀ, ਜੋ ਸ਼ਾਮ 6.36 ‘ਤੇ ਲੁਧਿਆਣਾ, 7.08 ‘ਤੇ ਫਗਵਾੜਾ, ਸ਼ਾਮ 7.20 ‘ਤੇ ਜਲੰਧਰ ਕੈਂਟ ਅਤੇ 8.40 ‘ਤੇ ਅੰਮ੍ਰਿਤਸਰ ਪਹੁੰਚੇਗੀ। ਇਨ੍ਹਾਂ ਚਾਰ ਸਟੇਸ਼ਨਾਂ ‘ਤੇ 2-2 ਮਿੰਟ ਦਾ ਸਟਾਪੇਜ ਰੱਖਿਆ ਗਿਆ ਹੈ।

ਟਰੇਨ ‘ਚ 8 ਡੱਬੇ ਹੋਣਗੇ, ਸ਼ੁੱਕਰਵਾਰ ਨੂੰ ਨਹੀਂ ਚੱਲੇਗੀ

ਅੰਮ੍ਰਿਤਸਰ ਅਤੇ ਪੁਰਾਣੀ ਦਿੱਲੀ ਰੇਲਵੇ ਸਟੇਸ਼ਨ ਵਿਚਾਲੇ ਚੱਲਣ ਵਾਲੀ ਵੰਦੇ ਭਾਰਤ ਟਰੇਨ ‘ਚ 8 ਕੋਚ (530 ਸੀਟਾਂ) ਹੋਣਗੀਆਂ। ਦੱਸ ਦਈਏ ਕਿ ਰੇਲਵੇ ਵੱਲੋਂ 6 ਜਨਵਰੀ ਤੋਂ ਅੰਮ੍ਰਿਤਸਰ ਤੋਂ ਪੁਰਾਣੀ ਦਿੱਲੀ ਵਿਚਾਲੇ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨ ਚਲਾਈ ਜਾ ਰਹੀ ਹੈ। ਇਹ ਟਰੇਨ ਹਫਤੇ ‘ਚ 6 ਦਿਨ ਪਟੜੀ ‘ਤੇ ਚੱਲੇਗੀ। ਇਹ ਟਰੇਨ ਸ਼ੁੱਕਰਵਾਰ ਨੂੰ ਨਹੀਂ ਚੱਲੇਗੀ।