ਮੋਹਾਲੀ ‘ਚ ਪੁਲਿਸ ਤੇ ਗੈਂਗਸਟਰਾਂ ਵਿਚਾਲੇ ਚੱਲੀਆਂ ਗੋਲੀਆਂ
ਅਦਾਲਤ ਵਿਚ ਮੁਲਜ਼ਮ ਨੇ ਜੱਜ ‘ਤੇ ਕਰ ਦਿੱਤਾ ਹਮਲਾ, ਵੇਖੋ ਵੀਡੀਓ
January 4, 2024 3:37 pm
ਲਾਸ ਵੇਗਾਸ : ਅਮਰੀਕਾ ਦੀ ਇਕ ਅਦਾਲਤ ਨੇ ਜਿਵੇਂ ਹੀ ਦੋਸ਼ੀ ਵਿਰੁਧ ਫ਼ੈਸਲਾ ਸੁਣਾਇਆ ਤਾਂ ਦੋਸ਼ੀ ਨੂੰ ਗੁੱਸਾ ਆ ਗਿਆ ਅਤੇ ਉਸ ਨੇ ਜੱਜ ਉਤੇ ਹਮਲਾ ਕਰ ਦਿੱਤਾ,ਜਿਸ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਦਰਅਸਲ ਅਮਰੀਕੀ ਸੂਬੇ ਨੇਵਾਡਾ ਦੇ ਲਾਸ ਵੇਗਾਸ ਸ਼ਹਿਰ ਦੀ ਇਕ ਅਦਾਲਤ ‘ਚ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ ਜਦੋਂ ਇਕ ਦੋਸ਼ੀ ਨੇ ਕੇਸ ਦੀ ਸੁਣਵਾਈ ਕਰ ਰਹੀ ਮਹਿਲਾ ਜੱਜ ‘ਤੇ ਕੁੱਦ ਕੇ ਹਮਲਾ ਕਰ ਦਿੱਤਾ। ਸੀਸੀਟੀਵੀ ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਜਦੋਂ ਮਹਿਲਾ ਜੱਜ ਨੇ ਦੋਸ਼ੀ ਦੇ ਖਿਲਾਫ ਫੈਸਲਾ ਸੁਣਾਉਣਾ ਸ਼ੁਰੂ ਕੀਤਾ ਤਾਂ ਉਹ ਤੇਜ਼ ਦੌੜਦਾ ਆਇਆ ਅਤੇ ਮਹਿਲਾ ਜੱਜ ਦੇ ਮੇਜ਼ ‘ਤੇ ਛਾਲ ਮਾਰ ਕੇ ਉਸ ‘ਤੇ ਡਿੱਗ ਪਿਆ।
Judge gets Attacked 😭 pic.twitter.com/yb4WNswYJq
— RealShit (@RealNowOffical) January 3, 2024
ਇਸ ਹਮਲੇ 'ਚ ਜੱਜ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ, ਜਦਕਿ ਉਨ੍ਹਾਂ ਦੀ ਸੁਰੱਖਿਆ ਕਰ ਰਿਹਾ ਗਾਰਡ ਗੰਭੀਰ ਰੂਪ 'ਚ ਜ਼ਖਮੀ ਹੋ ਗਿਆ ਹੈ। ਉਸ ਦੇ ਸਿਰ 'ਤੇ ਸੱਟ ਲੱਗੀ ਜਿਸ ਕਾਰਨ ਉਸ ਦਾ ਖੂਨ ਵਹਿਣ ਲੱਗਾ। ਗਾਰਡ ਦੇ ਮੋਢੇ 'ਤੇ ਵੀ ਸੱਟ ਲੱਗ ਗਈ। ਉਸ ਨੂੰ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਇਹ ਮਾਮਲਾ 3 ਜਨਵਰੀ ਬੁੱਧਵਾਰ ਦਾ ਹੈ।
ਅਮਰੀਕੀ ਅਖਬਾਰ ਯੂ.ਐੱਸ.ਏ ਟੂਡੇ ਮੁਤਾਬਕ ਦੋਸ਼ੀ ਡਿਓਬਰਾ ਰੇਡਨ ਲਾਸ ਵੇਗਾਸ ਦਾ ਰਹਿਣ ਵਾਲਾ ਹੈ ਅਤੇ ਇਕ ਸੰਗੀਨ ਮਾਮਲੇ 'ਚ ਦੋਸ਼ੀ ਸੀ। ਉਹ ਉਸੇ ਮਾਮਲੇ 'ਚ ਪੇਸ਼ ਹੋ ਰਿਹਾ ਸੀ, ਜਿਸ 'ਤੇ ਸੁਣਵਾਈ ਤੋਂ ਬਾਅਦ ਜੱਜ ਮੈਰੀ ਕੇ ਹੋਲਥਸ ਆਪਣਾ ਫੈਸਲਾ ਸੁਣਾ ਰਹੇ ਸਨ। ਜਿਵੇਂ ਹੀ ਜੱਜ ਨੇ ਰੈੱਡਨ ਨੂੰ ਦੋਸ਼ੀ ਕਰਾਰ ਦਿੱਤਾ ਅਤੇ ਉਸ ਨੂੰ ਸਜ਼ਾ ਸੁਣਾਉਣ ਹੀ ਵਾਲਾ ਸੀ ਤਾਂ ਰੇਡਨ ਦੌੜਦਾ ਆਇਆ ਅਤੇ ਉਸ 'ਤੇ ਛਾਲ ਮਾਰ ਕੇ ਉਸ 'ਤੇ ਹਮਲਾ ਕਰ ਦਿੱਤਾ।
ਕੋਰਟ ਰੂਮ ਦੀ ਸੀਸੀਟੀਵੀ ਫੁਟੇਜ ਤੋਂ ਸਾਫ਼ ਦਿਖ ਰਿਹਾ ਹੈ ਕਿ ਜਿਵੇਂ ਹੀ ਰੈੱਡਨ ਜੱਜ ਵੱਲ ਭੱਜਿਆ ਤਾਂ ਜੱਜ ਮੈਰੀ ਹੋਲਥਸ ਨੂੰ ਖ਼ਤਰਾ ਮਹਿਸੂਸ ਹੋਇਆ ਅਤੇ ਉਹ ਆਪਣੀ ਕੁਰਸੀ ਤੋਂ ਉੱਠ ਕੇ ਭੱਜਣ ਲੱਗੀ, ਪਰ ਫਿਰ ਰੇਡਨ ਉਸ 'ਤੇ ਡਿੱਗ ਪਿਆ। ਇਸ ਹਮਲੇ 'ਚ ਜੱਜ ਨੂੰ ਮਾਮੂਲੀ ਸੱਟਾਂ ਲੱਗੀਆਂ, ਜਦਕਿ ਨੇੜੇ ਖੜ੍ਹੇ ਜੱਜ ਦੇ ਗਾਰਡ ਨੂੰ ਗੰਭੀਰ ਸੱਟਾਂ ਲੱਗੀਆਂ। ਸੀਸੀਟੀਵੀ ਫੁਟੇਜ 'ਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਇਸ ਤੋਂ ਬਾਅਦ ਸੁਰੱਖਿਆ ਕਰਮੀਆਂ ਨੇ ਰੇਡਨ ਨੂੰ ਫੜ ਲਿਆ ਅਤੇ ਉਥੇ ਉਸ ਦੀ ਕੁੱਟਮਾਰ ਕੀਤੀ। ਵੀਡੀਓ 'ਚ ਸੁਰੱਖਿਆ ਕਰਮੀਆਂ ਨੂੰ ਜ਼ੋਰਦਾਰ ਮੁੱਕੇ ਮਾਰਦੇ ਦੇਖਿਆ ਜਾ ਸਕਦਾ ਹੈ।
