ਪੁਲਿਸ ਤੇ ਗੈਂਗਸਟਰਾਂ ਵਿਚਾਲੇ ਗੋਲੀਬਾਰੀ, ਸਮੀਰ ਕਤਲ ਕਾਂਡ ਦਾ ਪੰਜਵਾਂ ਮੁਲਜ਼ਮ ਫੜਿਆ

ਲੱਤ ‘ਚ ਗੋਲੀ ਲੱਗਣ ਤੋਂ ਬਾਅਦ ਹਸਪਤਾਲ ‘ਚ ਭਰਤੀ

ਜਵਾਬੀ ਹਮਲੇ ਵਿੱਚ ਗੋਲੀ ਸੁਖਦੀਪ ਦੀ ਲੱਤ ਵਿੱਚ ਲੱਗੀ। ਜਿਸ ਤੋਂ ਬਾਅਦ ਪੁਲਿਸ ਨੇ ਉਸਨੂੰ ਹਿਰਾਸਤ ਵਿੱਚ ਲੈ ਲਿਆ।

ਪਟਿਆਲਾ : ਪੰਜਾਬ ਦੇ ਪਟਿਆਲਾ ‘ਚ ਪੁਲਿਸ ਅਤੇ ਗੈਂਗਸਟਰ ਵਿਚਾਲੇ ਗੋਲੀਬਾਰੀ ਹੋਈ ਹੈ। ਗੋਲੀਬਾਰੀ ਤੋਂ ਬਾਅਦ ਪੁਲਿਸ ਨੇ 25 ਸਾਲਾ ਗੈਂਗਸਟਰ ਸੁਖਦੀਪ ਸਿੰਘ ਉਰਫ਼ ਉਗਾ ਵਾਸੀ ਪਿੰਡ ਬੰਗਾਂਵਾਲੀ, ਸੰਗਰੂਰ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਉਸ ਦੀ ਲੱਤ ‘ਤੇ ਗੋਲੀ ਲੱਗਣ ਕਾਰਨ ਉਸ ਨੂੰ ਪਟਿਆਲਾ ਦੇ ਰਜਿੰਦਰਾ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ। ਸੁਖਦੀਪ ਸ਼ਹਿਰ ਦੇ ਮਸ਼ਹੂਰ ਸਮੀਰ ਕਟਾਰੀਆ ਕਤਲ ਕੇਸ ਦਾ ਪੰਜਵਾਂ ਮੁੱਖ ਮੁਲਜ਼ਮ ਹੈ।

ਜਾਣਕਾਰੀ ਦਿੰਦਿਆਂ ਐਸਐਸਪੀ ਪਟਿਆਲਾ ਵਰੁਣ ਸ਼ਰਮਾ ਨੇ ਦੱਸਿਆ ਕਿ ਸੀਆਈਏ ਪਟਿਆਲਾ ਦੇ ਇੰਚਾਰਜ ਸ਼ਮਿੰਦਰ ਸਿੰਘ ਅਤੇ ਉਨ੍ਹਾਂ ਦੀ ਟੀਮ ਨੂੰ ਮੁਲਜ਼ਮ ਸੁਖਦੀਪ ਬਾਰੇ ਸੂਚਨਾ ਮਿਲੀ ਸੀ। ਪੁਲੀਸ ਟੀਮ ਸਨੌਰ ਦੀ ਜੋਡ਼ੀ ਰੋਡ ’ਤੇ ਪੁੱਜੀ। ਜਿਵੇਂ ਹੀ ਦੋਸ਼ੀ ਨੇ Police ਨੂੰ ਦੇਖਿਆ ਤਾਂ ਉਸ ਨੇ ਆਪਣੇ ਪਿਸਤੌਲ ਤੋਂ ਫਾਇਰ ਕਰ ਦਿੱਤਾ। ਪੁਲਿਸ ‘ਤੇ ਤਿੰਨ ਰਾਉਂਡ ਫਾਇਰ ਕੀਤੇ ਗਏ। ਬਚਾਅ ‘ਚ Police ਨੇ ਦੋਸ਼ੀਆਂ ‘ਤੇ ਗੋਲੀਬਾਰੀ ਕੀਤੀ।

ਜਵਾਬੀ ਹਮਲੇ ਵਿੱਚ ਗੋਲੀ ਸੁਖਦੀਪ ਦੀ ਲੱਤ ਵਿੱਚ ਲੱਗੀ। ਜਿਸ ਤੋਂ ਬਾਅਦ ਪੁਲਿਸ ਨੇ ਉਸਨੂੰ ਹਿਰਾਸਤ ਵਿੱਚ ਲੈ ਲਿਆ। ਮੁਲਜ਼ਮਾਂ ਕੋਲੋਂ ਲੁਧਿਆਣਾ ਵਿੱਚ ਚੋਰੀ ਕੀਤੀ ਇੱਕ ਕਾਰ, ਇੱਕ ਪਿਸਤੌਲ, ਚਾਰ ਕਾਰਤੂਸ ਅਤੇ ਤਿੰਨ ਗੋਲੀਆਂ ਦੇ ਖੋਲ ਬਰਾਮਦ ਹੋਏ ਹਨ।

ਐਸਐਸਪੀ ਵਰੁਣ ਨੇ ਦੱਸਿਆ ਕਿ ਇਹ ਸੁਖਦੀਪ ਸਿੰਘ ਹੀ ਸੀ ਜਿਸ ਨੇ ਕਾਰ ਲੁੱਟਣ ਦੀ ਨੀਅਤ ਨਾਲ ਸਮੀਰ ਕਟਾਰੀਆ ’ਤੇ ਹਮਲਾ ਕਰਕੇ ਕਤਲ ਕੀਤਾ ਸੀ। ਇਸ ਖ਼ਿਲਾਫ਼ ਵੱਖ-ਵੱਖ ਥਾਣਿਆਂ ਵਿੱਚ ਪੰਜ ਐਫਆਈਆਰ ਦਰਜ ਹਨ। ਉਸ ਨੂੰ ਨਾਭਾ ਅਦਾਲਤ ਵੱਲੋਂ ਇੱਕ ਕੇਸ ਵਿੱਚ ਭਗੌੜਾ ਕਰਾਰ ਦਿੱਤਾ ਗਿਆ ਹੈ।